MTN-in dinləmə sənədləri tələb edildi - “Texmarin”

Ləğv edilmiş Milli Təhlükəsizlik Nazirliyi (MTN) Monitorinq Mərkəzinin sabiq rəisi, general-mayor Teymur Quliyev, Transmilli İqtisadi Cinayətkarlığa Qarşı Mübarizə Baş İdarəsinin sabiq rəisi, general-mayor Sübahir Qurbanov, Əməliyyat-texniki İdarənin rəisi, general-mayor Natəvan Mürvətova, həmin qurumun digər vəzifəli şəxsləri Füzuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun cinayət işi üzrə məhkəmə prosesi davam edib.

Teleqraf.com xəbər verir ki, bu gün Bakı Hərbi Məhkəməsinin hakimi Həbib Həsənovun sədrliyi ilə baş tutan prosesdə təqsirləndirilən Füzuli Əliyev “Texmarin” epizodu üzrə ifadə verib.

O, ittihamları qəbul etməyib, günahsız olduğunu deyib.

Daha sonra sonuncu məhkəmə iclasında dinləmə epizodu ilə bağlı təqsirləndirilən şəxslərin vəkillərinin qaldırdığı bir neçə vəsatət müzakirə edilib.

Məhkəmə vəsatətləri təmin etməyib.

Prosesdə fasilə elan olunub.