Anası və qardaşı arvadının qızıllarını oğurladı – İlginc olay

Ağcabədi rayonunda oğurluq olub.

Teleqraf.com xəbər verir ki, rayon sakini Faiq Qasımov Daxili İşlər Nazirliyinin “102” xidmətinə zəng edərək yaşadığı mənzildən 10 min manatlıq qızıl-zinət əşyalarının oğurlandığını bildirib.

Bundan əlavə, həmin gün Faiq Qasımovun atası da faktla bağlı Ağcabədi rayon polis şöbəsinə ərizə ilə müraciət edib.

Məlumatla əlaqədar polis əməkdaşları tərəfindən başlanılan əməliyyat-axtarış tədbirləri nəticəsində bütün şübhələr Faiq Qasımovun üzərinə yönəlib.

Araşdırmalar zamanı həmin şəxsin öz evlərindən oğurluq etdiyi müəyyən olunub. O, anasına və qardaşının həyat yoldaşına məxsus qızıl-zinət əşyalarını saxlanc yerindən götürdüyünü etiraf edib.

Oğurlanan qızıl-zinət əşyaları tapılaraq, maddi sübut kimi götürülüb.

Faktla bağlı cinayət işi başlanıb.