Cəlilabadda narkotik alverçisinə qarşı – Əməliyyat/Foto

Cəlilabad rayon polis şöbəsi əməkdaşlarının əməliyyat tədbirləri nəticəsində narkotiklərin qanunsuz dövriyyəsində şübhəli bilinən Pərdi kənd sakini Oqtay Rufullayev saxlanılıb.

Daxili İşlər Nazirliyi mətbuat xidmətinin Lənkəran regional qrupundan Teleqraf.com-a verilən məlumata görə, onun üzərinə baxış keçirilərkən heroin aşkar edilərək götürülüb.

Əməliyyat tədbirlərinin davamı olaraq saxlanılan şəxsin yaşadığı evə də baxış keçirilib. Həyətdəki tövlədə gizlədilmiş 2 bükümdə narkovasitə aşkar olunaraq götürülüb.

Ekspertizaya təqdim olunan narkotik vasitələrin ümumi çəkisinin 3 kiloqram 118 qram heroin olduğu barədə rəy verilib.