Sumqayıtda 5 ev qarət olundu

Sumqayıt şəhərində oğurluq olub.

Teleqraf.com xəbər verir ki, şəhər ərazisindəki evlərin birindən məişət əşyaları oğurlanması barədə şəhər polis idarəsinə məlumat verilib.

Əməliyyat tədbirləri nəticəsində oğurluğu törətməkdə şübhəli bilinən şəhər sakini Telman Cəbrayılov saxlanılıb.

Onun dekabrın 1-dən 8-dək olan müddətdə 4 evdən məişət əşyaları, habelə 2 qadının çantalarından pul və mobil telefon oğurladığı da müəyyən edilib.

Telman Cəbrayılov əvvəllər də məhkumluq həyatı yaşayıb.