Bakıda gecə klubunun qarşısında qan töküldü

Bakının Yasamal rayonunda bıçaqlanma hadisəsi baş verib.

Teleqraf.com xəbər verir ki, rayonun Mətbuat prospektində, “Tri Korona” gece klubunun qarşısında 1991-ci il təvəllüdlü Fərid Süleymanov bıçaqlanıb.

Yaralı taksi sürücüsünün köməkliyi ilə 1 saylı Kliniki Tibbi Mərkəzə yerləşdirilib. Ona tibbi yardım göstərilib, vəziyyətinin ağır olduğu bildirlir.

Məlumata görə, gece klubundan çıxan Fərid Süleymanov orada tanımadığı başqa bir gənclə mübahisə edib. Onların mübahisəsi sonda qanlı olayla nəticələnib.

Faktla bağlı cinayət işi başlanıb.