Avtomobil və evlərdən oğurluq edənlər yaxalandı

Bakının Suraxanı rayonunda oğurluq edən şəxslər yaxalanıb.

Teleqraf.com xəbər verir ki, 31-ci polis bölməsinin əməkdaşları tərəfindən keçirilən əməliyyat nəticəsində oğurluq etdikləri üçün həbs edilən Teymur İsmayılov və Balaxan Ağayevin ətraflarında araşdırma aparılıb.

Onların cari ilin yanvar ayından iyul ayınadək olan müddətdə rayon ərazisində 4 avtomobildən akkumulyator, 5 həyətyanı sahədən su mühərriki, təmir-tikinti alətləri və məişət əşyaları oğurlamaları müəyyən edilib.