Bakıda 5 evin oğrusu tutuldu

Bakının Xəzər rayonunda bir neçə oğurluq hadisəsi baş verib.

Teleqraf.com xəbər verir ki, ötən il noyabrın 17-dən cari il yanvarın 21-dək olan müddətdə rayon ərazisindəki 5 evdən pul və məişət əşyaları oğurlanması barədə 1-ci polis bölməsinə məlumat daxil olub.

Əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini Telman Əbilov saxlanılıb.