Bakıda ilginc olay: Ərinin pullarını sevgilisinə daşıdı...

Bakının Binəqədi rayonunda oğurluq olub.

Teleqraf.com xəbər verir ki, yanvarın 30-da Binəqədi rayon Polis İdarəsinin 7-ci polis bölməsinə rayon ərazisindəki mənzillərin birindən oğurluq edilməsi barədə müraciət daxil olub.

Polis əməkdaşları müvafiq tədbirlər həyata keçirib və ötən il noyabrın 16-dan bu il yanvarın 27-dək olan müddətdə həmin mənzildəki seyfdən 57700 ABŞ dollarının oğurlandığı məlum olub.

Araşdırmalar zamanı pulu ev sahibinin arvadının oğurladığına əsaslı şübhələr yarandığından polis əməkdaşları qadını saxlayıb.

Əməliyyat tədbirləri ilə qadının oğurluq pulu tanışı olan bir nəfərə verdiyi müəyyən edilib və həmin şəxs də saxlanılıb. Məlum olub ki, həmin kişi qadının sevgilisidir.

Faktla bağlı Binəqədi rayon Polis İdarəsində cinayət işi başlanıb.