20-ci sahədə 5 kilo nəşə tutuldu – Əməliyyat/Foto

Səbail rayon Polis İdarəsi 8-ci polis bölməsi əməkdaşlarının əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən şəxs saxlanılıb.

Teleqraf.com xəbər verir ki, əməliyyat nəticəsində Səbail rayonu, 20-ci sahə adlanan ərazidə Masallı rayon sakini, əvvəllər məhkum olunmuş Abduləli Həbibov şübhəli şəxs qismində saxlanılaraq polis bölməsinə gətirilib.

Onun üzərinə hal şahidlərinin iştirakı ilə baxış zamanı əlindəki idman çantasından külli miqdarda narkotik vasitə aşkar olunub. Ekspertizaya təqdim olunan narkotik vasitənin ümumi çəkisinin 5 kiloqram 50 qram qurudulmuş marixuana olması barədə rəy verilib.

Narkotik maddənin mənbəyinin müəyyən edilməsi istiqamətində həyata keçirilən əlavə tədbirlərlə müəyyən edilib ki, o, narkotik tərkibli bitkiləri Qax rayonu ərazisində yabanı halda bitən ərazidən yığıb. Daha sonra qurudaraq şəxsi istifadəsi üçün Bakı şəhərinə gətirib.

Faktla bağlı Cinayət Məcəlləsinin müvafiq maddəsi ilə cinayət işi başlanılıb, zəruri istintaq hərəkətləri davam etdirilir.