Həbsdə olan gəncin başqa cinayəti üzə çıxdı – İstintaq

Tovuz rayonunda oğurluq baş verib.

Teleqraf.com xəbər verir ki, rayonun Duz Çirdaxan kəndində yerləşən Mehdi Mehdiyevə məxsus çayxanadan 1300 manatlıq 106 dioqanallı “Beko” markalı televizorun oğurlanması barədə polisə məlumat daxil olub.

Tovuz rayon polis şöbəsi və mühafizə şöbəsi əməkdaşlarının keçirdiyi əməliyyat axtarış tədbirləri nəticəsində oğurluğu törədən 1997-ci il təvəllüdlü Sultan Zeyniyevin olduğu müəyyən edilib.

Onun oğurladığı televizor satdığı şəxsin evindən maddi sübut kimi götürülüb.

Təqsirləndirilən Sultan Zeyniyev başqa xarakterli cinayət törətdiyi üçün hazırda Gəncə 2 saylı istintaq təcridxanasında həbsdə olduğu müəyyən edilib.