Neftçala polisi qızıl oğrusunu həbs etdi

Neftçala rayonunda oğurluq hadisəsi baş verib.

Teleqraf.com xəbər verir ki, rayon sakini Elşən Dünyamalıyevin evindən 3000 manat dəyərində qızıl əşya oğurlanıb.

Zərərçəkmiş rayon polis şöbəsinə müraciət edib. Əməliyyat tədbirləri ilə müəyyən edilib ki, hadisəni Neftçala rayon sakini, 1995-ci il təvəllüdlü İdrak Məmmədov törədib.

İdrak Məmmədov saxlanılıb və oğurladığı qızıl-zinət əşyaları maddi sübut kimi götürülüb.

Faktla bağlı cinayət işi başlanıb.