Bakılının Şəkidə dələduzluğu: 25 şikayətçi...– DİN-dən açıqlama

Şəki şəhərində 25 nəfərə qarşı dələduzluq edilib.

Teleqraf.com xəbər verir ki, Şəki şəhər-rayon polis şöbəsinə müraciət edən Baş Göynük kənd sakini Gülnar Əlifova ötən ilin yanvar ayında Elçin adlı şəxsin onu aldadaraq 2230 manatını aldığını bildirib.

​Polis əməkdaşlarının keçirdikləri əməliyyat-axtarış tədbirləri nəticəsində həmin şəxsin Bakı şəhər sakini Elçin Dadaşov olması müəyyən edilib.

O, dələduzluq etməkdə şübhəli bilinərək saxlanılıb.

​Ətrafında aparılan əməliyyat tədbirləri ilə onun 2017-ci il ərzində Şəki rayon sakini olan 25 nəfəri də aldadaraq dələduzluq yolu ilə onlardan ümumilikdə 4420 manat alması müəyyən edilib.

Faktla bağlı araşdırma aparılır.