İlham Rəhimovun qohumu Moskvada qətlə yetirildi

Rusiya paytaxtında azərbaycanlı gənc qətlə yetirilib. Qətl hadisəsi fevralın 9-da baş verib. 25 yaşlı Ruhin Rəhimov naməlum şəxs və ya şəxslər tərəfindən qətlə yetirilib. Onun küt alətlə qətlə yetirildiyi bildirilib.

Mərhumun cəsədi Bakıya göndərilib. Artıq dəfn olunub.

Qeyd edək ki, Ruhin Rəhimov tanınmış azərbaycanlı iş adamı, hüquq elmləri doktoru İlham Rəhimovun əmisi nəvəsidir.
/APA/