Bakıda zavodda oğurluq: Mühafizəçi həbs olundu

Bakının Suraxanı rayonunda oğurluq edilib.

Teleqraf.com xəbər verir ki, Qaraçuxur qəsəbəsindəki zavoddan 120 kiloqram mis külçələr oğurlamaqda şübhəli bilinən Bakı sakinləri Rəşad Əzizov və Samir Mürsəlov saxlanılıblar.

Əməliyyat tədbirləri ilə onların həmin zavodda mühafizəçi işləyən paytaxt sakini Şahin Şıxəliyevlə birgə müxtəlif vaxtlarda zavoddan 575 kiloqram mis məmulat oğurladıqları da müəyyən edilib.

Həyata keçirilən əməliyyat tədbirləri ilə Şahin Şıxəliyev də saxlanılıb.