Əfqan Muxtarlı hökmdən şikayət verdi

Jurnalist Əfqan Muxtarlı barəsində olan hökmdən apelyasiya şikayəti verib.

Teleqraf.com xəbər verir ki, jurnalsitin şikayəti Şəki Apelyasiya Məhkəməsinə göndərilib. Şikayət hakim Rəfail Əliyevin icraatına verilib.

İlkin baxış iclası fevralın 20-nə təyin edilib.

Qeyd edək ki, Balakən rayon Məhkəməsinin hökmü ilə Əfqan Muxtarlı 6 il müddətinə azadlıqdan məhrum edilib. O, hökmdən apelyasiya şikayəti verib, barəsində bəraət hökmünün çıxarılmasını isrtəyir.

İttihama görə, Əfqan Muxtarlı bu il mayın 29-da saat 22.40-da Balakən rayonu ərazisində Azərbaycan dövlət sərhədini qanunsuz keçdikdən sonra Dövlət Sərhəd Xidmətinin əməkdaşları tərəfindən saxlanılıb.

Ona qarşı Cinayət Məcəlləsinin 318-ci (Dövlət sərhədini qanunsuzkeçmə), 206-cı (Qaçaqmalçılıq) və 315.2-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri üzrə ittiham irəli sürülüb.