Taleh Bağırovun müavini bəraət istəyir – Məhkəmə

2015-ci il noyabrın 5-də və 26-da Nardaran qəsəbəsində baş verən hadisələrlə bağlı həbs edilmiş “Müsəlman Birliyi” təşkilatının sədri Taleh Bağırovun müavini Elçin Qasımov və təşkilatın daha 11 üzvü məhkəmə hökmündən apelyasiya şikayəti veriblər.

Bakı Apelyasiya Məhkəməsindən Teleqraf.com-a verilən məlumata görə, Elçin Qasımov, Nahid Qəhrəmanov, Ağaəli Yəhyayev, Seyfəddin Şirvanov, Fərhad Muradov, Ramil Əliyev, Elgün Axundov, Vüsal Alış, İsa İbrahimov, Seymur Aslanov, Əli Şahbazov və Əmirli Əliyevin apelyasiya şikayəti araşdırılması üçün Elşad Şamayevin icraatına verilib.

Məhkəmənin ilkin baxış iclası fevralın 28-nə təyin edilib.

Bakı Ağır Cinayətlər Məhkəməsinin hökmü ilə dəstə başçısı Elçin Qasımov 15 il, Ağaəli Yəhyayev 15 il, Nahid Qəhrəmanov 13 il, Seyfəddin Şirvanov 12 il 6 ay, Fərhad Muradov 12 il 6 ay, Elgün Axundov 12 il 6 ay, Vüsal Alış 12 il 6 ay, İsa İbrahimov 12 il 6 ay, Ramil Əliyev 12 il 6 ay, Seymur Aslanov 12 il 3 ay, Əli Şahbazov 12 il 3 ay, Əmirli Əliyev 12 il 3 ay müddətinə azadlıqdan məhrumetmə cəzasına məhkum ediliblər.

Hökmdən narazı qalan təqsirləndirilən şəxslər apelyasiya şikayətlərində bəraət hökmünün çıxarılmasını istəyiblər.