Sürücünü döydü, marşrut avtobusunu qaçırdı – Bakıda

Bakının Binəqədi rayonunda avtobus sürücüsü ilə sərnişin arasında dava olub.

Teleqraf.com xəbər verir ki, M.Ə.Rəsulzadə qəsəbəsində Xırdalan şəhər sakini Ehtiram Vəliyevlə sərnişin arasında mübahisə baş verib.

Bu zaman sərnişin “Daewoo” markalı avtomobili qaçırıb.

Binəqədi rayon Polis İdarəsinin 4-cü polis bölməsi əməkdaşlarının keçirdikləri əməliyyat-axtarış tədbirləri nəticəsində avtomobili qaçırmaqda şübhəli bilinən Biləsuvar rayon sakini, əvvəllər məhkum olunmuş Xəyal Əliyev Azadlıq prospektində avtomobillə birgə saxlanılıb.

Faktla bağlı araşdırma aparılır.