Bakıda mağaza oğruları tutuldu: İki kişi, bir qadın

Bakının Sabunçu rayonunda oğurluq hadisəsi baş verib.

Teleqraf.com xəbər verir ki, rayon ərazisindəki 2 mağazadan 2560 manat, mobil telefon, spirtli içki və tütün məmulatı oğurlanması barədə 15-ci polis bölməsinə məlumat daxil olub.

Polis əməkdaşlarının əməliyyatı nəticəsində oğurluğu törətməkdə şübhəli bilinən Abşeron rayon sakinləri, əvvəllər məhkum olunmuş Vüsal Səmədov, Tünzalə Hüseynova və Əlzaman İdrisov saxlanılıblar.

Vüsal Səmədovun ətrafında aparılmış əməliyyat tədbirləri ilə onun ötən il dekabrın 16-da Rahil Musayevin 800 manatını oğurladığı da müəyyən edilib.