Yevlaxlı Aygün həbs olundu – Polisə müraciət

Bakının Nəsimi rayonunda dələduzluq hadisəsi baş verib.

Teleqraf.com xəbər verir ki, paytaxt sakini olan Ü. S. adlı qadın dələduzluqla üzləşib.

Onun etibarından sui-istifadə edən falçı qadın Ü. S.-nın qızıl boyunbağı və 1 cüt sırğasını alıb.

Zərərçəkmiş Nəsimi rayon Polis İdarəsinin 20-ci polis bölməsinə müraciət edib.

Polis əməkdaşlarının keçirdikləri əməliyyat-axtarış tədbirləri nəticəsində cinayəti törədən şübhəli bilinən Yevlax rayon sakini, əvvəllər məhkum olunmuş Aygün Məmmədova saxlanılıb.

Aygün Məmmədova həmin zərərçəkmiş qadını fala baxmaq adı ilə aldadıb.

Faktla bağlı cinayət işi başlanıb.