Mal-qara oğruları həbs edildi – Əməliyyat

Bərdə rayonunda mal-qara oğrusunun həbs edilməsi üçün əməliyyat keçirilib.

Teleqraf.com xəbər verir ki, Bərdə rayon polis şöbəsi əməkdaşları tərəfindən keçirilən əməliyyat tədbirləri nəticəsində oğurluq törətməkdə şübhəli bilinən Oğuz rayon sakini Elşən Qılıcov saxlanılıb.

Elşən Qılıcov martın 28-də Bərdə rayon sakini Zaur Abışova məxsus həyətyanı sahədən 19 baş qoyun oğurlamaqda şübhəli bilinib.

Daha bir mal-qara oğrularının n tutulması üçün əməliyyatı Qazax rayon polis şöbəsinin əməkdaşları keçirib.

Rayon sakini Müşfiq Qocayevə məxsus yardımçı təsərrüfatdan 6 baş qoyun oğurlamaqda şübhəli bilinən Qazax şəhər sakinləri Haqverdi Məmmədov və Səbuhi Kərimov saxlanılıblar.

Hər iki faktla bağlı cinayət işi başlanıb.