Bayıl bazarında qanlı dava – Təfərrüat

Bakının Səbail rayonunda bıçaqlanma hadisəsi baş verib.

Teleqraf.com xəbər verir ki, rayonun Bayıl qəsəbəsində yerləşən bazarda 1973-cü il təvəllüdlü Rizvan Tanrıverdiyev tanışı ilə əlbəyaxa olub.

Dava zamanı Rizvan Tanrıverdiyev bıçaqlanıb. Yaralı ağır vəziyyətdə xəstəxanaya yerləşdirilib. Ona tibbi yardım göstərilib, vəziyyətinin ağır olduğu bildirilir.

Hazırda polis cinayəti törədən şəxsin həbs edilməsi istiqamətində əməliyyat-axtarış tədbirləri görür.

İlkin məlumata görə, Rizvan Tanrıverdiyev tanışı ilə pul borcu üstündə mübahisə edib.

Faktla bağlı cinayət işi başlanıb.