Hacıqabulda oğurluq edən silahlı şəxs tutuldu

Hacıqabul rayonunda oğurluq olub.

Teleqraf.com xəbər verir ki, rayonun Nəvahı qəsəbəsində evlərdən birinin həyətindən qaynaq aparatı, 90 metr elektrik kabeli və inşaat materialları oğurlanıb.

Zərərçəkmiş hadisə ilə bağlı Hacıqabul rayon polis şöbəsinə müraciət edib. Əməliyyat-axtarış tədbirləri ilə oğurluğu törətməkdə şübhəli bilinən qəsəbə sakini, əvvəllər məhkum olunmuş Vüqar Zeynalov tutulub.

Vüqar Zeynalovun evində keçirilmiş əməliyyat-axtarış tədbirləri zamanı oradan “Naqan” markalı tapança da aşkar edilib.

Məlum olub ki, Vüqar Zeynalov oğurluq hadisələri törədən zaman üzərində silah da gəzdirib.

Faktla bağlı Cinayət Məcəlləsinin müvafiq maddələri ilə cinayət işi başlanıb.