Keçmiş məhkumun əli yenə dinc durmadı - Maddə 177

Şəmkir rayonunda oğurluq hadisəsi baş verib.

Teleqraf.com xəbər verir ki, rayon ərazisindəki evlərin birindən 4700 ABŞ dollar və 200 manat, habelə qızıl əşyalar oğurlanıb.

Şəmkir rayon polis şöbəsi əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən İpəkyolu qəsəbə sakini Zaur Süleymanov saxlanılıb.

İstintaq araşdırması zamanı məlum olub ki, Zaur Süleymanov əvvəllər məhkumluq həyatı yaşayıb.

Faktla bağlı Cinayət Məcəlləsinin 177-ci (oğurluq) maddəsi ilə cinayət işi başlanıb.