Bakıda daha bir dəhşət: Qardaş bacısını... – Təfərrüat

Bakının Sabunçu rayonunda bıçaqlanma hadisəsi baş verib.

Teleqraf.com xəbər verir ki, rayon ərazisində Şaiq Cahangirov bacısı Xatirəni bıçaqlayıb.

Yaralı xəstəxanaya yerləşdirilib, ona tibbi yardım göstərilib. Vəziyyətinin ağır olduğu bildirilir.

Cinayəti törədən Şaiq Cahangirov həbs edilib.

Məlum olub ki, Şaiq Cahangirov bacısını qısqanclıq zəminində bıçaqlayıb.

Bildirilir ki, Xatirə Cahangirova 2010-cu ildə ailə qursa da, sonradan rəsmi qaydada ərindən ayrılıb və ata evinə qaydıb.

Son günlər Şaiq bacısının başqa bir kişi ilə münasibətindən şübhələnib. Bu səbəbdən qardaş bacısını izləyib.

Hadisə baş verən vaxt Şaiq bacısını başqa bir kişi ilə telefonda danışarkən tutub.

Bu səbəbdən bacısı ilə mübahisə edib. Onların mübahisəsi sonda qanlı cinayətlə nəticələnib.

Faktla bağlı Cinayət Məcəlləsinin 126.1-ci (sağlamlığa ağır xəsarət yetirmə) maddəsi ilə cinayət işi başlanıb.