Bakıya gəlib quldurluq edən rus ələ keçdi

Bakının Nəsimi rayonunda quldurluq cinayəti baş verib.

Teleqraf.com xəbər verir ki, rayon ərazisində Tamerlan Mustafayev naməlum şəxsin hücumuna məruz qalıb.

Həmin şəxs Tamerlan Mustafayevi kəsici alətlə hədələyərək mobil telefonunu alıb.

Tamerlan Mustafayev quldurluqla üzləşməsi barədə 22-ci polis şöbəsinə müraciət edib.

Polis əməkdaşlarının keçirdikləri əməliyyat tədbirləri nəticəsində cinayəti törətməkdə şübhəli bilinən Rusiya vətəndaşı Viktor Çekunov saxlanılıb.

Məlum olub ki, saxlanılan şəxs əvvəllər də məhkum olunub.