Bakıda 22 yaşlı oğlan bıçaqlandı

Bakının Xəzər rayonunda bıçaqlanma hadisəsi baş verib.

Teleqraf.com xəbər verir ki, rayonun Binə qəsəbəsində 1996-cı il təvəllüdlü Səfər Zülfüqarov tanımadığı şəxslə evinin yaxınlığında mübahisə edib.

Onların mübahisəsi sonradan davaya çevrilib.

Dava zamanı Səfər Zülfüqarov həmin şəxs tərəfindən bıçaqlanıb.

Yaralı 3 saylı Kliniki Tibbi Mərkəzə yerləşdirilib. Onun vəziyyətinin ağır olduğu bildirilir.

Faktla bağlı cinayət işi başlanıb.