Gəncədə ağır yol qəzası

Bu gün saat 12:00 radələrində Gəncədə 2 nəfərin ağır yaralanması ilə nəticələn ağır yol qəzası baş verib.

Teleqraf.com TTV-yə istinadən xəbər verir ki, hadisə şəhərin Cavad Xan küçəsində qeydə alınıb. Göygöl rayon sakini 27 yaşlı Raqif Əliyev idarə etdiyi “Vaz 21011” marakl avtomobillə küçə ilə hərəkətdə olarkən Gəncə sakini 34 yaşlı Ülvi Ələkbərovun idarə etdiyi “Opel “markalı minik maşını ilə toquşub.Qəza nəticəsində “Vaz 21011” sürücüsü və onun sərnişini həmyerlisi olan Araz Qurbanov müxtəlif bədən xəsarətləri ilə Gəncə şəhər təcili tibbi yardım xəstəxanasının travmatologiya şöbəsinə yerləşdilib. Xəstəxandan verilən məlumata görə hər iki yaralının vəziyyəti orta ağır olaraq qalır. İlkin etimala görə qəzaya səbəb yüksək sürət olub.

Faktla bağlı Gəncə şəhər Baş polis idarəsinin istintaq və təhqiqat şöbəsində araşdırma aparılır. Qəzanın dəqiq səbəbləri aparılacaq avtotexniki ekispertizanın rəyindən sonra bəlli olacaq.