Bərdə və Gəncədə narkotik alverçiləri tutuldu

Bərdə rayonunda narkotiklərlə bağlı əməliyyat keçirilib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, Bərdə rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində Qaradağlı kənd sakini Cavanşir Hüseynovun kultivasiya yolu ilə yetişdirdiyi 135 ədəd çətənə kolu aşkar edilərək götürülüb.

Daha bir əməliyyatı Gəncənin Kəpəz rayon Polis İdarəsinin əməkdaşları keçirib. Keçirilən əməliyyat-axtarış tədbirləri nəticəsində Gəncə şəhər sakini, əvvəllər məhkum olunmuş Vahid Hacızadə saxlanılıb.

Ondan 19,9 qram, evinə baxış zamanı 92,2 qram marixuana, həyətindən isə kultivasiya yolu ilə yetişdirilmiş 4 ədəd çətənə kolu aşkar edilərək götürülüb.

Hacı Zeynalov