Cinayətdə şübhəli bilinən 10 nəfər həbs edildi – Rəsmi

Daxili İşlər Nazirliyi ötən gün respublikamızın ayır-ayrı rayon və şəhərlərində baş verən cinayət və hadisələr haqqında xüsusi məlumat yayıb.

Teleqraf.com xəbər verir ki, ötən gün respublikamızın daxili işlər orqanları tərəfindən 82 cinayət faktı qeydə alınıb, onların da 8-i "isti izlər"lə açılıb.

Axtarışda olduğuna görə ümumilikdə 26 nəfər, o cümlədən borclu şəxs qismində axtarışda olan 10 nəfər saxlanılaraq aidiyyəti üzrə təhvil verilib.

Respublikanın avtomobil yollarında 6 yol-nəqliyyat hadisəsi baş verib, nəticədə 2 nəfər ölüb, 21 nəfər xəsarət alıb.

Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 2 fakt müəyyən edilib.

Cinayət törətməkdə şübhəli bilinən 10 nəfər saxlanılıb.