Gənc döyülüb qarət edildi – Qalada

Bakının Xəzər rayonunda quldurluq hadisəsi baş verib.

Teleqraf.com xəbər verir ki, rayonun Qala qəsəbəsi ərazisində naməlum şəxs qəsəbə sakini, 21 yaşlı Emin Hüseynovu döyüb, 32 manat pulunu və mobil telefonunu alıb.

Zərərçəkmiş baş verən quldurluq hadisəsi ilə bağlı 1-ci polis şöbəsinə məlumat verib.

Polis əməkdaşlarının keçirdikləri əməliyyat tədbirləri nəticəsində hadisəni törətməkdə şübhəli bilinən Bakı şəhər sakini Nicat Hüseynov saxlanılıb.

Faktla bağlı cinayət işi başlanıb.