Evləri qarət edən dəstə zərərsizləşdirildi – Mingəçevirdə

Mingəçevir şəhərində oğurluqla məşğul olan mütəşəkkil dəstə zərərsizləşdirilib.

Teleqraf.com xəbər verir ki, Mingəçevir şəhər polis şöbəsi əməkdaşlarının keçirdikləri əməliyyat-axtarış tədbirləri nəticəsində şübhəli bilinən şəhər sakinləri Rəşad Abbaszadə, Vasif Ağayev, İsmət Vəliyev, Ceyhun Mirzəyev və Siyavuş Həmzəyev saxlanılıblar.

Onlar ötən il dekabrın 26-dan cari il avqustun 10-dək olan müddətdə rayon ərazisindəki 3 evdən pul və qızıl əşyaları oğurlamaqda şübhəli biliniblər.

İstintaq müəyyən edib ki, Ceyhun Mirzəyev və Siyavuş Həmzəyev əvvəllər məhkumluq həyatı yaşayıblar.

Faktla bağlı cinayət işi başlanıb.