Məmurun atasının evini yaranlara cəza istənildi

Oğurluqda təqsirli bilinən Vurğun İbrahimov, Emin Şirinov, Vurğun Həsənov və Yunus İsmayılovun cinayət işi üzrə məhkəmə prosesi keçirilib.

Teleqraf.com xəbər verir ki, Bu Bakı Ağır Cinayətlər Məhkəməsində hakim Əfqan Hacıyevin sədrliyi ilə baş tutan prosesdə prokuror Vüqar Quliyev çıxış edib.

O, təqsirləndirilən şəxslərin cinayət işinin məhkəmə istintaqı zamanı tam sübuta yetirildiyini deyib.

Prokuror Emin Şirinovun 8 il 6 ay, Vurğun İbrahimovun 9 il, digərlərinin hər birinin 4 il müddətinə azadlıqdan məhrum edilməsini istəyib.

Növbəti proses sentyabrın 28-də davam edəcək.

İttihama görə, Vurğun İbrahimov, Emin Şirinov, Vurğun Həsənov və Yunus İsmayılov Bakı şəhər Nəsininrayon ərazisində yerləşən evlərdən oğurluq etməkdə təqsirli biliniblər.

Onlar Aydın Mövlayevin qızıl-zinət əşyaları da daxil olmaqla ümumilikdə 51 min manat, İlham Həsənovla Türkan İbadovanın 9470 manat, Gülbikə Əhmədovanın 6890 manat, İqbal Xəlilovun 3850 manat, Rauf Əliyevin 5300 manat və Nərgiz Abdullayevanın isə 2050 manat pulunu oğurlayıb.

Xatırladaq ki, Aydın Mövlayev Kənd Təsərrüfatı Nazirliyi (KTN) yanında "Aqrolizinq" ASC-nin rəhbəri Seymur Mövlayevin atasıdır.

Seymur Mövlayev bu il may ayının əvvəlində nazir İnam Kərimovun əmri ilə "Aqrolizinq" ASC-yə sədr təyin edilib.