Dostunu bıçaqlayan tutuldu

Bakının Xətai rayonunda bıçaqlanma hadisəsi baş verib.

Bu barədə Teleqraf.com-a Xətai rayon Polis İdarəsinin 35-ci polis bölməsindən məlumat verilib.

Məlumata görə, Bakı şəhər sakini Azər Cəfərov naməlum şəraitdə bıçaqlanıb. O, bıçaq xəsarəti ilə xəstəxanaya yerləşdirilib. Azər Cəfərova tibbi yardım göstərilib, vəziyyətinin orta ağır olduğu bildirilir.
Polis əməkdaşlarının keçirdikləri əməliyyat-axtarış tədbirləri nəticəsində cinayəti törətməkdə şübhəli bilinən paytaxt sakini Cavidan Bayramov tutulub. O, istintaqa verdiyi ilkin ifadəsində törətdiyi cinayəti etiraf edib.

Cavidan Bayramov deyib ki, Azər Cəfərovla şəxsi münasibətlər zəminində mübahisəsi baş verib. Onun sözlərinə görə, mübahisə zamanı Azər Cəfərovu bıçaqla vurub və hadisə yerindən qaçıb. O, törətdiyi əmələ görə peşman olduğunu deyib. Hər iki şəxsin dost olduğu bildirilir.

Faktla bağlı Cinayət Məcəlləsinin 126.1-ci (qəsdən adam öldürmə) maddəsi ilə cinayət işi başlanıb.

Hacı Zeynalov