Samuxda oğurluq edən dəstə zərərsizləşdirildi

Samux rayonunda oğurluq edilməsi barədə polisə məlumat daxil olub.

Teleqraf.com xəbər verir ki, rayonun Yenikənd kənd sakini Mehman Musayevin 5 baş camışı kəndin otlaq sahəsindən oğurlanıb.

Həyata keçirilmiş əməliyyat-axtarış tədbirləri nəticəsində oğurluğu törətməkdə şübhəli bilinən Ağdam rayon sakini Rövşən Aslanov, Bərdə rayon sakinləri Rasim Əliyev və Hafiz Qurbanov Bərdə rayonu ərazisində Bərdə rayon polis şöbəsinin əməkdaşları tərəfindən saxlanılıb və aidiyyəti üzrə təhvil veriliblər.

Faktla bağlı cinayət işi başlanıb.