Evdən silah və narkotik tapıldı – İsmayıllıda əməliyyat

İsmayıllıda narkotik alverçilərinə qarşı əməliyyat keçirilib.

Teleqraf.com xəbər verir ki, İsmayıllı rayon polis şöbəsi əməkdaşlarının əldə edilmiş əməliyyat məlumatı əsasında keçirdikləri əməliyyat-axtarış tədbirləri nəticəsində Müdürsə kənd sakini Səməd Babayev həbs edilib.

Onun evindən 53,93 qram marixuana, müvafiq sənədləri olmayan “TOZ-63”, “Magnum” və “İJ-16” markalı 3 ədəd ov tüfəngi aşkar edilib.

Bundan başqa, polis əməkdaşlarının keçirdikləri əməliyyat-axtarış tədbirləri nəticəsində rayonun Təzəkənd kənd sakini Qasım Vahabovun evindən 304,08 qram marixuana, habelə evinin damından kultivasiya yolu ilə yetişdirilmiş 8 ədəd çətənə kolu aşkar edilərək götürülüb.

Hər iki faktla bağlı cinayət işi başlanıb.