Avtomobildən oğurluq edən “zek” tutuldu – Bakıda

Bakının Nəsimi rayonunda oğurluq hadisəsi baş verib.

Teleqraf.com xəbər verir ki, rayon ərazisindəki bir avtomobildən mobil telefon oğurlanması barədə 22-ci polis şöbəsinə məlumat daxil olub.

Polis əməkdaşlarının keçirdiyi əməliyyat nəticəsində oğurluğu törətməkdə şübhəli bilinən Abşeron rayon sakini, əvvəllər məhkum olunmuş Rəşad Rəhimov saxlanılıb.

Onun Cinayət Məcəlləsinin 178-ci (dələduzluq) maddəsi ilə axtarışda olması da müəyyən edilib.