Yevlaxda oğurluq edən 3 nəfər tutuldu

Yevlax rayonunda oğurluq hadisəsi baş verib.

Teleqraf.com xəbər verir ki, noyabrın 12-nə keçən gecə Tanrıqulular kəndindəki evlərin birindən 1260 manat və 550 rubl pul oğurlanıb.

Yevlax rayon polis şöbəsi əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən kənd sakinləri olan 2, Mingəçevir şəhər sakini olan 1 yeniyetmə saxlanılıb.