Bakıda küçədə qadına qarşı zorakılıq

Bakının Suraxanı rayonunda soyğunçuluq hadisəsi baş verib.

Teleqraf.com xəbər verir ki, rayonun Bülbülə qəsəbəsində naməlum şəxs R.Əsədovaya zor tətbiq edib, onun çantasını alıb.

31-ci polis bölməsi əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən Bakı şəhər sakini Renat Əhmədov saxlanılıb.

Məlum olub ki, Renat Əhmədov əvvəllər də məhkum olunub.

Faktla bağlı cinayət işi başlanıb.