Hacı İbrahimin qardaşına 200 min manatlıq iddia - Məhkəmə

Diasporla İş üzrə Dövlət Komitəsinin keçmiş sədri Nazim İbrahimov və iş adamı Hacı İbrahim Nehrəmlinin qardaşı Sahib İbrahimovun barəsində olan cinayət işi üzrə məhkəmə prosesi başlayıb.

Teleqraf.com xəbər verir ki, bu gün Bakı Ağır Cinayətlər Məhkəməsində hakimi Ramella Allahverdiyevanın sədrliyi ilə baş tutan prosesdə təqsirləndirilən şəxsin anket məlumatları dəqiqləşdirilib.

Cinayət işində zərərçəkmiş şəxs qismində tanınan Etibar Allahverdiyevin vəkili Xəqani İmanov mülki iddia qaldırıb. O, zərərçəkmişə Sahib İbrahimov tərəfindən 162 min 400 dollar maddi ziyanın və 50 min manat isə mənəvi ziyanın ödənilməsini istəyib.

Hakimlər mülki iddianı araşdırmaq üçün icraata götürüblər.

Proses noyabrın 28-də davam edəcək.

Cinayət işində 52 zərərçəkmiş var. Ümumilikdə zərərçəkmişlərə 2 milyon manat ziyan dəyib.

Sahib İbrahimovun barəsində Cinayət Məcəlləsinin 178.3.2-ci (külli miqdarda dələduzluq törətmək) və 308-ci (vəzifə səlahiyyətlərindən sui-istifadə) maddələri ilə ittiham elan edilib.

Sahib İbrahimovun rəhbərlik etdiyi tikinti şirkətinnə müraciət edən vətəndaşların pulun ələ keçirməkdə ittiham olunur.

İstintaq dövründə Sahib İbrahimov tərəfindən zərərçəkmişlərə dəymiş ziyanı ödəyib.

Bu səbəbdən onun barəsində həbs qətimkan tədbiri seçilməyib.