Bakıda çörək sexinin sahibi öldürüldü – NZS-də hadisə

Bakıda qətl törətməkdə təqsirləndirilən İsmayıl Cəfərovun cinayət işi üzrə məhkəmə prosesi başlayıb.

Teleqraf.com xəbər verir ki, bu gün Bakı Ağır Cinayətlər Məhkəməsində hakim Eldar İsmayılovun sədrliyi ilə baş tutan prosesdə təqsirləndirilən şəxsin anket məlumatları dəqiqləşdirilib.

Məhkəmə baxışı dekabrın 18-nə təyin edilib.

İttihama görə, qətl hadisəsi paytaxtın NZS qəsəbəsində baş verib. Çörək sexində çalışan İsmayıl Cəfərov sexin sahibi Elmar Qasımovu mübahisə zəminində bıçaqlayıb.

Nəticədə Elmar Qasımov ölüb.

Hadisədən sonra İsmayıl Cəfərov polis əməkdaşları tərəfindən saxlanılıb.

İsmayıl Cəfərova Cinayət Məcəlləsinin 120.1-ci (qəsdən adam öldürmə) maddəsi ilə ittiham elan edilib.