Sumqayıtda xüsusi əməliyyat - 23 cinayətin üstü açıldı

Sumqayıt şəhərində bir çox oğurluq hadisələrinin üstünün açılması məqsədilə əməliyyat tədbirləri həyata keçirilib.

Teleqraf.com xəbər verir ki, şəhər ərazisində 1 avtomobildən 170 manat pul və bank kartları, 4 evdən pul, mobil telefon və su qızdırıcısı, 1 həyətyanı sahədən velosiped, marşrut avtobusunda 2 qadının çantasından mobil telefon oğurlanıb.

1-ci polis bölməsi əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən Sumqayıt şəhər sakini Səyavuş İsrafilov saxlanılıb.

Bundan başqa, Sumqayıt şəhər Polis İdarəsinin 2-ci polis bölməsi əməkdaşlarının keçirdikləri əməliyyat tədbirləri nəticəsində şəhər ərazisində 3 evdən və 4 həyətyanı sahədən məişət əşyaları, inşaat materialları və elektrik naqili, dəniz kənarında yerləşən obyektlərin birindən 2 ədəd metal pilləkən oğurlamaqda şübhəli bilinən Sumqayıt şəhər sakini, əvvəllər məhkum olunmuş Anar Vəliyev saxlanılıb.

Daha bir neçə silsilə oğurluğun üstünün açılması istiqamətində əməliyyatı isə Sumqayıt şəhər Polis İdarəsinin 4-cü polis bölməsinin əməkdaşları keçirib.

Əməliyyat tədbirləri nəticəsində şəhər ərazisində “Mitsubishi” markalı avtomobildən mobil telefon, 1 nəfərin velosipedini, 1 evdən qızıl üzük, 1 həyətyanı sahədən inşaat materialları, 1 sexdən 100 manat pul və 1 mağazadan 80 manat pul oğurlamaqda şübhəli bilinən Sumqayıt şəhər sakini, əvvəllər məhkum olunmuş Elçin Vahabov tulub.