Sumqayıtda kütləvi dava - 4 nəfər bıçaqlandı

Sumqayıt şəhərində kütləvi davada 4 nəfər bıçaqlanıb.

Teleqraf.com xəbər verir ki, hadisə şəhərin 41-ci məhəlləsində idmançı gənclər arasında mübahisə zəminində baş verib.

Sonradan əlbəyaxa dava zamanı 4 nəfər bıçaqlanıb. Onlardan üç nəfəri - 1988-ci il təvəllüdlü Həsənov Anar Əli oğlu, 1991-ci il təvəllüdlü Salamov Eldar İxtiyar oğlu və Ələsgərov Eminin vəziyyəti ağır oduğundan dərhal əməliyyat olunub.

Kütləvi dava zamanı onlarla gənc müxtəlif bədən xəsarətləri ilə Sumqayıt Şəhər Təcili Tibbi Yardım Xəstəxanasının Travmatologiya şöbəsinə müraciət edib.

Şahidlərin sözlərinə görə, kütləvi davada 30-a yaxın gənc iştirak edib. Davanın qız üstündə olduğu bildirilir.

Faktla bağlı Sumqayıt Şəhər Polis İdarəsində araşdırma aparılır.

Gəncədə toy mərasimində döyülmə hadisəsi baş verib.