Ağcabədidə aptekdə narkotik tərkibli dərman satan şəxs tutuldu - Foto

Ağcabədi rayonunda apteklərdən birində narkotik tərkibli dərman satılması üzə çıxıb.

Daxili İşlər Nazirliyi mətbuat xidmətinin Bərdə regional qrupundan Teleqraf.com-a verilən məlumata görə, rayon razisində yerləşən apteklərin birində qanunsuz olaraq narkotik təkibli dərman pereparatlarının satışı ilə bağlı rayon polis şöbəsinə məlumat daxil olub.

Məlumatla əlaqədar polis əməkdaşları tərəfindən həyata keçirilmiş əməliyyat-axtarış tədbirləri nəticəsində Ağcabədi sakini Anar Fətullayev saxlanılıb.

Anar Fətullayevə məxsus aptekə baxış keçirilən zaman oradan 43 adda müxtəlif növ narkotik tərkibli dərman pereparatları aşkar edilərək götürülüb.

Faktla bağlı araşdırma aparılır.