Azərbaycanda 8 gənc qız fahişəliyə cəlb edildi – Cinayət işi açıldı

Azərbaycanlı qadınları cinsi istismara məruz qoymaqda ittiham olunan Almaz Allahverdiyevanın cinayət işi üzrə ibtidai istintaq başa çatıb.

Teleqraf.com-un xəbərinə görə, cinayət işi baxılması üçün Bakı Ağır Cinayətlər Məhkəməsində hakim Ramella Allahverdiyevanın icraatına verilib.

Məhkəmənin hazırlıq iclası iyunun 28-nə təyin edilib.

İstintaq orqanı tərəfindən Almaz Allahverdiyeva barəsində Cinayət Məcəlləsinin 144-1.2.2-ci (təkrar insan alveri törətmək) maddəsi ilə ittiham elan edilib.

Almaz Allahverdiyeva müxtəlif gənc qızları fahişəliyə cəlb edib və onları kişi müştərilərlə görüşünü təşkil edib. Bunun müqabilində gəlir əldə edib.

Cinayət işi üzrə 8 qadın zərərçəkən şəxs qismində tanınıb.