Naradaran hadisələrinə görə həbs olunan şəxs azadlığa buraxıldı

Nardaran hadisələrinə görə həbs edilmiş Əbülfəz Bünyadov azadlığa buraxılıb.

Teleqraf.com xəbər verir ki, Penitensiar Xidmətin Müalicə Müəssisəsində saxlanılan məhbusun səhhətində cididi problem olduğundan onun cəzasının çəkilməmiş hissəsindən azad edilməsi ilə bağlı məhkəməyə müraciət edilib.

Nizami rayon Məhkəməsinin hakimi Rauf Əhmədovun sədrliyi ilə Müalicə Müəssisəsində müraciətə baxılıb və onun vaxtından əvvəl azad edilməsi ilə bağlı qərar qəbul edilib.

Qeyd edək ki, Ə.Bünyadov 2015-ci il noyabrın 26-da Nardaranda keçirilmiş xüsusi əməliyyat zamanı həbs edilib. Lakin bir müddət sonra polis nəzarətinə buraxılıb.

2018-ci il iyulun 11-də Bakı Ağır Cinayətlər Məhkəməsinin hökmü ilə 15 il müddətinə azadlıqdan məhrum edilib.

Bakı Apelyasiya Məhkəməsi və Ali Məhkəmə hökmü qüvvədə saxlayıb.