16 İyul 19:55

Gürcüstanla Ermənistan arasında yerləşən Sadaxlı gömrük postunda erməni vətəndaşı saxlanılıb.

Teleqraf.com xəbər verir ki, saxlanılan şəxs Rusiyaya radioaktiv materiallar aparmaqda təqsirləndirilir.

Açıqlamalara görə, Ermənistan vətəndaşı idarə etdiyi mikroavtobusda 4 paketə bükülmüş, insan həyatı üçün olduqca zərərli maddəni Gürcüstan ərazisindən keçirməyə cəhd göstərib. Ekspertiza nəticəsində məlum olub ki, qablaşdırmaların çəkisi 71, 63 kq-a bərabərdir. Radioaktiv izotop material isə sağlamlıq üçün çox təhlükəli hesab olunur. .

Qablaşdırmadakı maddələrin şüalanma dərəcəsi saatda 18 mikrozivertə bərabərdir.

Xatırladaq ki, maksimal təhlükəsizlik saatda 0,5 mikrozivert hesablanır.

Saxlanılan erməni artıq Tbilisi şəhər məhkəməsinə təhvil verilib. Onu 5 ildən 10 ilədək cəza gözləyir.


Müəllif: Mənbə/Publika.az