17 İyul 11:50

Bakıda dələduzluqda təqsirləndirilən Aqil Qədirov və Elnur Məmmədovun cinayət işi üzrə məhkəmə prosesi keçirilib.

Teleqraf.com xəbər verir ki, bu gün Bakı Ağır Cinayətlər Məhkəməsində hakim Novruz Kərimovun sədrliyi ilə baş tutan prosesdə prokuror təqsirləndirilən şəxslərə cəza istəyib.

Prokuror Aqil Qədirovun 12 il və Elnur Məmmədovun isə 11 il müddətinə azadlıqdan məhrum edilməsini təklif edib.

Növbəti proses iyulun19-da davam edəcək.

Qeyd edək ki, cinayət işində 33 zərərçəkmiş var.

"Meqa-Siti Holdinq” MMC-nin təsisçisi Aqil Qədirov və tanışı Elnur Məmmədov 1 milyon manatlıq dələduzluqda təqsirli bilinir.

İttihama görə, həmin şəxslər inşa etdikləri yaşayış binasındakı eyni mənzili bir neçə nəfərə satıblar.


Müəllif: Hacı Zeynalov