Avtomobilləri qarət edən tutuldu

Bakının Sabunçu rayonunda avtomobillərdən oğurluq edən şəxs məsuliyyətə cəlb edilib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, Sabunçu Rayon Polis İdarəsi 13-cü polis bölməsi əməkdaşlarının keçirdiyi əməliyyat tədbirləri nəticəsində, oğurluqda şübhəli bilinən Bakı şəhər sakini Səid Göyçəyev yaxalanıb.

Məlum olub ki, o, iyulun 15-də Y.Əliyev küçəsində Nizami Ağabalayevə məxsus “Ford” markalı avtomobildən mobil telefon, avqustun 19-da isə R.Qəmbərov küçəsində Pərvin İbişovun idarə etdiyi “Fiat” markalı avtomobildən mobil telefon, pul və sənəd oğurlayıb. Səid Göyçəyevin əlinin digər oxşar cinayətlərdə də olması ilə bağlı əməliyyat-istintaq tədbirləri davam etdirilir.

Faktla bağlı cinayət işi başlanıb.

Hacı Zeynalov