Xaçmazda qonşusunu bıçaqlayan tutuldu

Xaçmaz rayonunda bıçaqlanma hadisəsi baş verib.

Bu barədə Teleqraf.com-a Xaçmaz rayon Polis Şöbəsindən məlumat verilib.

Məlumata görə, rayon sakini Mirtapdıq İmanov münaqişə zəminində həmyerlisi Elnur Osmanovu bıçaqlayıb. Yaralı ağır vəziyyətdə Xaçmaz rayon Mərkəzi Xəstəxanasına yerləşdirilib. Vaxtında tibbi yardım göstərildiyi üçün onun həyatını xilas etmək mümkün olub.

Polis əməkdaşlarının keçirdikləri əməliyyat-axtarış tədbirləri nəticəsində Mirtapdıq İmanov saxlanılıb. Hadisə qonşular arasında yaranan şəxsi münasibətlər zəminində baş verib.

Faktla bağlı cinayət işi başlanıb.

Hacı Zeynalov