Goranboyda və Şəkidə ölümlə nəticələnən qəzalar baş verib

Goranboy rayonunda ölümlə nəticələnən yol nəqliyyat hadisəsi baş verib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə rayonun Qarqucaq kəndində qeydə alınıb. Rayon sakini Nicat Ələkbərov idarə etdiyi “VAZ-21099” markalı avtomobili aşırıb. Sərnişin Emin Cəfərov hadisə yerində ölüb, özü isə xəstəxanaya yerləşdirilib.

Daha bir yol qəzası Şəki rayonunun Qoxmuq kəndində qeydə alınıb. Rayon sakini Yaşar Sərkərov idarə etdiyi “Niva” markalı avtomobillə yolu keçən kənd sakini Diana Cabbarlını vurub. Xəstəxanaya yerləşdirilmiş piyada ölüb.

Hər iki faktla bağlı cinayət işi başlanıb.

Hacı Zeynalov